يحتفل كابتن محمود الخطيب، رئيس النادي الأهلي، وأحد أبرز أساطيره على مر التاريخ، بعيد ميلاده ال 67، بعد مسيرة عطاء حافة أنجزفيها مع ناديه داخل الملعب وخارجه على مدار سنوات وسنوات، نال خلالها بحب وعشق الملايين في مصر وكافة أنحاء المنطقة العربية والقارة الافريقية بفضل موهبته الفذة وأخلاقه الرفيعة.
المخرح “الأهلاوي” الشهير، محمد نصر، لم يفوت الفرصة، واحتفى ب “بيبو” على طريقته الخاصة، وكتب له منشورا مطولا عبر حسابهعلى فيسبوك قال فيه “#كابتن محسن صالح قاعد معايا بيحكى لى عن نهائى كاس مصر ٧٨ بين الاهلى والزمالك والخطيب مصاب و كان خارج التشكيل وقاعد باللبس العادى هو وطاهر الشيخ .. الزمالك اتقدم ٢-١ وفاضل ١٠ ق وفجاة هيدكوتى مدرب الاهلى قال لمحسن صالح مساعد المدرب وقتها قول للخطيب يسخن وراح محسن الخطيب قاله ورد الخطيب هو الى يقولى راح هيدكوتى شخط ف الخطيب وقالوا قومى سخنى بيبو قام جرى وجابوا له لبس بسرعة وهو مصاب ونزل وجاب جون التعادل مزيكا وبعدها الاهلى كسب ف ١٠ ق ٤-٢وخد الكاس رغم ان بيبو مصاب #واى عشق للكيان يابيبو”.
وتابع نصر “#و فى ماتش الاهلى والزمالك ٨٣ اثناء التسخين الخطب حس ان جمهور الاهلى جاى على حسن شحاتة جامد جدا وبص على ابو كريم لقى وشه زعلان جدا وفجاة والحكم الاجنبى بيصفر بداية المباراة رفع الخطيب ايده للحكم والحكم كان ف ذهول ايه ده وخد حسن شحاتة من ايده وراح لجمهور الاهلى الى بدل الهجوم على شحاته لهتاف له #واى اخلاق يابيبو
#الخطيب رقم ١٠ كان بيلبس فانلة برقم تانى ف ماتشات افريقيا علشان حافظينه وبينزلوا بخشونة رهيبة معاه علشان خطورته ومهارته الغير طبيعية”.
وواصل نصر “#هداف واهدافه مش طبيعية وكلها مهارات مش عادية واهداف اسطورية فعلا ولان مهاراته خارقة ف ماتش تحت ١٩ سنة مع الزمالك رقص الفرقة كلها ورقص الحارس ورجع بالكورة مادخلش جون علشان يرقص الفرقة كلها تانى والمدرب يعاقبه ويخرجه ومش هينسي الموقف ده الى خلاه لعيب كبير بعد كدة”.
وأكمل نصر “#الخطيب وهو بيلعب اخر ماتش له امام الهلال السودانى نهائى افريقيا ٨٧ نزل الشوط التانى تكريما له علشان يرفع الكاس وفجاة الخطيب قدم ١٥ ق فيها كل فنون الكورة والمهارة كانه لسة فى بداية حياته وجننت الجمهور فعلا ف الاستاد ..#واى ختام يابيبو”.
وأضاف نصر “#بيبو وانا مخرج برنامجه اللعب ف الصندوق ف التليفزيون المصرى كان بيسمع كلامى وينفده مع انى كنت مخرج صغير وده قمة الاحترام وقالى انت فنان وكانت اول مرة اسمعها ومن الفنان الاصلى لكن بصراحة كان بيشوف ف الكورة حاجات محدش يشوفها غيره حاجة مبدعة فعلا “.
وختم نصر بقوله “#محمود الخطيب الحاصل على ٨ بطولات دورى الابطال كلاعب وامين صندوق ونائب رئيس الاهلى وباقى واحدة وانت رئيس للاهلى لتكتمل الصورة والاسطورة باذن الله تعالى وكل سنة وانت طيب يابيبو يا اسطورة يانجم النجوم”.
